Një aksident i rëndë ka ndodhur të martën pasdite në Boston, ku një kamion i marrë me qira nga kompania Penske është përplasur me disa shtylla përpara se të përfundonte i kthyer përmbys midis një ndërtese dhe një shtylle.

Raportohet se gjashtë këmbësorë kanë mbetur të plagosur, ndërsa të paktën dy janë në gjendje kritike. Autoritetet lokale kanë bërë të ditur se shoferi është nxjerrë nga kabina e kamionit nga ekipet e zjarrfikësve.

Policia ende nuk ka konfirmuar numrin e saktë të të lënduarve, por Departamenti i Vrasjeve dhe Ekipi i Aksidenteve Fatale ndodhen në vendngjarje për të hetuar rrethanat e ngjarjes.