Një aksident i rëndë është regjistruar sot në bypass-in e Lushnjës, ku një automjet tip Range Rover me targa AV 674 IB është përplasur me barrierën mbrojtëse të autostradës dhe më pas ka marrë flakë.

Menjëherë pas aksidentit, zjarrfikësit dhe ambulanca kanë mbërritur në vendngjarje, duke bërë të mundur shuarjen e flakëve dhe transportimin e dy personave të lënduar drejt spitalit të Lushnjës.

Burime spitalore konfirmojnë se, fatmirësisht, të lënduarit janë jashtë rrezikut për jetën.

Në vendngjarje ndodhet edhe Policia Rrugore, e cila po punon për disiplinimin e trafikut dhe për kryerjen e procedurave hetimore për zbardhjen e shkaqeve të aksidentit.