Një aksident i rëndë ka ndodhur mëngjesin e sotëm në Vlorë, ku kanë mbetur të plagosur rëndë dy të rinj që ishin duke udhëtuar me motorr.

Policia bën me dije se një automjet tip “Toyota” me drejtuese shtetasen A. P., 35 vjeçe, është përplasur me një motomjet në të cilin udhëtonin dy shtetas ende të paidentifikuar.

Si pasojë e aksidentit, dy të rinjtë janë dëmtuar dhe ndodhen në spital, në gjendje kritike për jetën.
‘Sot, rreth orës 06:25, në bulevardin “Ismail Qemali”, një automjet tip “Toyota”me drejtuese shtetasen A. P., 35 vjeçe, është përplasur me një motomjet në të cilin udhëtonin dy shtetas ende të paidentifikuar, të cilët si pasojë e aksidentit, janë dëmtuar dhe ndodhen në spital, nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.- njofton policia.