Një përplasje e fortë mes dy mjeteve ka ndodhur mbrëmjen e djeshme në zonën e njohur si Astiri, pak pas mesnatës, duke shkaktuar përmbysjen e njërit nga automjetet.

Forcat e zjarrfikësve kanë arritur në vendngjarje në kohë rekord për të siguruar mjetin e përmbysur dhe për të evituar rreziqe të mëtejshme. Policia ka nisur hetimet për të sqaruar shkaqet e aksidentit dhe po menaxhon trafikun në zonë.

Ende nuk ka informacion të detajuar për gjendjen e të lënduarve apo për identitetin e personave të përfshirë, ndërsa autoritetet po vazhdojnë punën për pastrimin e vendngjarjes dhe rikthimin e qarkullimit normal.