Një aksident i trefishtë është regjistruar pasditen e sotme në Tunelin e Llogarasë, duke shkaktuar panik te drejtuesit e automjeteve që qarkullonin në zonë.

Sipas informacioneve paraprake, nuk raportohet për persona të lënduar, por dëmet materiale janë të konsiderueshme.

Në aksident janë përfshirë tre automjete: një Audi, një Volvo dhe një Mitsubishi. Nga pamjet e publikuara, shihet se mjeti tip Volvo ka pësuar dëmtimet më të mëdha, pasi pjesa e përparme është thuajse e shkatërruar. Ndërkohë, Audi dhe Mitsubishi kanë shpëtuar me më pak dëmtime.

Policia ka mbërritur në vendin e ngjarjes dhe po heton shkaqet e aksidentit, ndërsa qarkullimi në segment është vështirësuar për disa minuta.