Një 35-vjeçar ka humbur jetën pasditen e sotme në aksin Fier–Libofshë, në fshatin Agim, pas një aksidenti me motor. Sipas burimeve zyrtare, i riu ka dalë nga rruga dhe ka pësuar lëndime të shumta.

Ai u transportua me urgjencë drejt Spitalit Rajonal Fier, por fatkeqësisht nuk ka mundur të mbijetojë gjatë rrugës.

Në vendngjarje kanë mbërritur menjëherë shërbimet e policisë dhe grupi hetimor, të cilët po punojnë për të zbardhur rrethanat dhe shkaqet e aksidentit tragjik.