Një aksident me vdekje ka ndodhur sot pasdite në zonën e Mulletit në aksin Tiranë-Elbasan.

Një makinë me drejtues shtetasin B.B. ka aksidentuar një person, ende i paidentifikuar.

Si pasojë e përplasjes, personi i aksidentuar ka ndërruar jetë në vendngjarje. Policia ndodhet në vendngjarje dhe po punon për zbardhjen e plotë të aksidentit.

Njoftimi i policisë:

Më datë 03.12.2022, rreth orës 17:30, në Mullet, në rrugën Tiranë-Elbasan, mjeti me drejtues shtetasin B. B., ka aksidentuar një shtetas ende të paidentifikuar, i cili si pasojë e aksidentit ka ndërruar jetë në vendngjarje.

Grupi hetimor po punon për saktësimin e gjeneraliteteve dhe sqarimin e rrethanave të aksidentit.