Një aksident rrugor i rëndë ka ndodhur sot në aksin nacional Berat-Dimal, në fshatin Otllak, ku një motor është përplasur nga një automjet tip Mercedes Benz.

Drejtuesi i motorit, Nezir Vrapi, u përplas nga automjeti dhe u transportua me urgjencë në Spitalin Rajonal Berat, ku po merr trajtim mjekësor.

Automjeti Mercedes Benz me targa AA 222 TH, që po lëvizte nga Berati drejt Dimalit, përplasi motorin që po dilte nga fshati, duke shkaktuar incidentin. Drejtuesi i Mercedesit, me inicialet S.M., u shoqërua në polici për të dhënë deklaratat e nevojshme.

Efektivët e qarkullimit rrugor kanë mbërritur në vendngjarje dhe po kryejnë veprimet e para hetimore, ndërsa hetimet për zbardhjen e rrethanave të aksidentit vazhdojnë.