Fier – Një aksident rrugor ka ndodhur pasditen e sotme në aksin Fier–Patos, në afërsi të fshatit Portëz. Një automjet tip Ford është përplasur me autobusin e linjës Fier–Roskovec.

Si pasojë e përplasjes, drejtuesi i Ford-it ka mbetur i plagosur dhe është transportuar menjëherë në Spitalin Rajonal të Fierit për ndihmë mjekësore.

Në vendngjarje ka mbërritur menjëherë policia, e cila po kryen hetimet për zbardhjen e shkaqeve që çuan në aksident.

Ndërkohë, trafikimi në këtë segment rrugor ka pësuar vështirësi të përkohshme, deri në përfundimin e veprimeve të autoriteteve.