Një aksident ka ndodhur pasditen e sotme në aksin rrugor Klos-Burrel, ku shtetasi L.D., 52 vjeç, duke drejtuar një furgon, ka humbur kontrollin mbi mjetin. Si pasojë, furgoni ka dalë nga rruga dhe ka goditur një shtetas të mitur.

I mituri është transportuar menjëherë në spital për ndihmë mjekësore dhe ndodhet jashtë rrezikut për jetën. Drejtuesi i mjetit është shoqëruar në Komisariatin e Policisë për veprime të mëtejshme, ndërsa grupi hetimor ka nisur punën për zbardhjen e shkaqeve dhe rrethanave të aksidentit.