Policia njoftoi se në mëngjesin e së premtes, rreth orës 06:30, ndodhi një aksident në aksin Lushnjë-Tiranë, ku automjeti me tre anëtarë të një familje u përfshi në një ngjarje rrugore. Si pasojë, shoferi i automjetit dhe dy fëmijët e tij të mitur u plagosën dhe u dërguan me urgjencë në spitalin e Lushnjës.
Personi që drejtonte mjetin ishte biznesmeni i njohur Kristian Boçi. Boçi dhe dy fëmijët e tij u transportuan menjëherë në spital me autoambulancën e Lushnjës. Nga informacionet e marra nga Spitali i Traumës, Boçi ka pësuar fraktura në kokë, ndërsa fëmijët kanë pësuar dëmtime të lehta. Fatmirësisht, gjendja shëndetësore e të treve është raportuar si stabël.
Aksidenti ndodhi kur Boçi, duke udhëtuar me dy fëmijët e tij, humbi kontrollin e automjetit dhe përfundoi anash rrugës.
