Një aksident ka ndodhur në aksin rrugor Laç-Patok. Policia njofton se një mjet tip “Benz” i drejtuar nga një 21 vjeçar ka përplasur një 21-vjeçar, i cili ishte duke udhëtuar me motor.

I plagosuri është nisur me urgjencë në spitalin e Traumës në Tiranë, ndërsa drejtuesi i “Benz-it” është shoqëruar në Komisariat.

Informacion paraprak

Në aksin rrugor Laç-Patok, në afërsi të një karburanti mjeti tip “Benz” me drejtues shtetasin A.Z.,21 vjeç është përplasur me mjetin motor me drejtues shtetasin T.N.,21 vjeç, i cili ka marrë dëmtime dhe është transportuar në spitalin e Traumës Tiranë.

Drejtuesi i mjetit tip “Benz” shtetasi A.Z., është shoqëruar në Komisariatin e Policisë Lezhë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.