Një aksident ka ndodhur pasditen e kësaj të premte në aksin “Shkodër-Muriqan”. Motomjeti me drejtues një 17-vjeçar është përplasur me një automjet, duke shkaktuar lëndime te i mituri.
Policia ka njoftuar se rreth orës 17:15, motomjeti me drejtuesin 17-vjeçar është përplasur me një automjet. Si pasojë, i mituri është dërguar në spitalin rajonal të Shkodrës, ku po merr ndihmën e nevojshme mjekësore.
Grupi hetimor është në vendngjarje dhe po punon për sqarimin e rrethanave të aksidentit.
