Tiranë – Një aksident rrugor ka ndodhur mbrëmjen e djeshme në zonën e Astirit, rreth orës 23:30, ku janë përplasur dy automjete, të cilat kanë pësuar dëmtime të konsiderueshme materiale.

Sipas burimeve paraprake, nga ngjarja nuk ka persona të lënduar, megjithëse dëmet në automjete kanë shkaktuar vështirësi të përkohshme në qarkullimin në zonë. Pamjet e siguruara nga “Ora News” tregojnë mjetet e dëmtuara dhe prezencën e policisë, e cila ka ndërhyrë për të normalizuar situatën dhe për të hetuar rrethanat e aksidentit.

Shkaqet e përplasjes mbeten ende të paqarta, ndërsa grupi hetimor po vijon punën për të sqaruar plotësisht ngjarjen.