BERAT – Mesditën e sotme, një aksident rrugor ka ndodhur në afërsi të Spitalit Rajonal Berat, në vendin e quajtur “Te Rrapi”. Një makinë tip ‘Volkswagen Caddy’ është përplasur me një motor, duke lënë të plagosur drejtuesin e motorit dhe pasagjerin.
Të lënduarit janë dërguar në spitalin e Beratit dhe ndodhen jashtë rrezikut për jetën. Paraprakisht dyshohet se aksidenti ka ndodhur pasi motori i ka prerë rrugën automjetit. Policia vijon hetimet për të sqaruar rrethanat e plota të ngjarjes.
