Një aksident i rëndë ka ndodhur mbrëmjen e djeshme në Gjirokastër, ku një automjet i tipit “Porsche” me targa angleze ka dalë nga rruga në kthesën pranë lagjes “Punëtori” dhe ka përfunduar 10 metra poshtë në përrua. Fatmirësisht, nuk ka raporte për të lënduar, vetëm për dëme materiale.

Automjeti ishte i udhëhequr nga pronari i një hoteli në pazarin e qytetit, i identifikuar me inicialet Gj.Dh., dhe një pasagjere femër. Policia ka nisur hetimet për të përcaktuar shkaqet e aksidentit, të cilat ende nuk janë të qarta.

Ky aksident ndodhi në një nga rrugët kryesore që të çon në zonën muzeale të qytetit, e cila është e njohur për kthesat e forta dhe mungesën e tabelave të qarta për drejtuesit e mjeteve, çka e bën atë të rrezikshme për aksidente.