Një aksident ka ndodhur në periferi të qytetit të Këlcyrës, ku një automjet ka dalë nga rruga, duke shkaktuar plagosjen e shoferit. Aksidenti ka ndodhur në rrugën kombëtare Këlcyrë-Përmet, në dalje të qytetit, kur një mjet tip ‘Opel’ ka përfunduar në kanalin anësor.

Shoferi është nga Shkodra dhe ka marrë ndihmën e parë menjëherë pas aksidentit. Ai është transportuar për në spital për trajtim më të specializuar. Sipas hetimeve paraprake, dyshohet që shkaku i aksidentit të ketë qenë lagështia në rrugë për shkak të reshjeve të shiut.

Për shkak se mjeti përdorte gaz të lëngshëm si karburant, zjarrfikësit e Këlcyrës kanë ndërhyrë për të çmontuar impiantin elektrik dhe baterinë e automjetit, të cilat mund të shkaktonin shpërthim. Sipas autoriteteve, situata ka qenë e rrezikshme, por është menaxhuar me sukses.