Një aksident i rëndë ka ndodhur pak minuta më parë në zonën e terminalit në Korçë. Sipas informacionit paraprak, një mjet ka përplasur një këmbësore që ishte duke kaluar në vijat e bardha të kalimit për këmbësorë. E plagosura është transportuar me urgjencë në spitalin e Korçës për ndihmë mjekësore.

Burime nga vendngjarja raportojnë se aksidenti ndodhi kur mjeti tip Benz goditi këmbësoren gjatë kalimit të saj nga një anë e rrugës në tjetrën. Policia ka mbërritur në vendin e ngjarjes dhe po zhvillon hetime për të zbardhur shkaqet dhe rrethanat e aksidentit. Një hetim i plotë është në proces për të sqaruar detajet e ngjarjes.