Një aksident rrugor është regjistruar mbrëmjen e sotme në kryqëzimin e Ishull-Shëngjinit në Lezhë, ku përfshihen dy makina dhe një prej tyre ka përfunduar i përmbysur në një parcelë pranë rrugës.
Si pasojë e përplasjes, tre persona kanë pësuar dëmtime dhe janë dërguar menjëherë drejt spitalit në Tiranë për trajtim mjekësor.
Shkaqet e aksidentit nuk janë të qarta, por burime paraprake bëjnë me dije se njëri prej mjeteve dyshohet të ketë prerë rrugën makinës tjetër. Policia ndodhet në vendngjarje dhe po vijon hetimet për të zbardhur rrethanat e plota të ngjarjes.
