Një aksident rrugor është shënuar pasditen e së martës në aksin rrugor pranë Maliqit, ku një automjet ka dalë nga rruga dhe është përplasur me një pemë anës rrugës.

Sipas informacioneve paraprake, dyshohet se shoferi ka humbur kontrollin e makinës për shkaqe ende të paqarta. Si pasojë e përplasjes, drejtuesi i mjetit ka mbetur i plagosur dhe është transportuar me urgjencë drejt Spitalit Rajonal të Korçës për ndihmë mjekësore.

Policia dhe grupi hetimor ndodhen në vendngjarje dhe po punojnë për të zbardhur shkaqet e aksidentit dhe dinamikën e plotë të tij.

Gjendja shëndetësore e të plagosurit ende nuk është bërë publike.