Një aksident i rëndë ka ndodhur sot në aksin Mbreshtan-Pashalli, në vendin e quajtur “Rezervuari”, ku një mjet tip Xhip Kamionçinë, me targë AA 488 EK, ka humbur kontrollin dhe ka rënë nga një lartësi në përrua.

Si pasojë e aksidentit janë plagosur drejtuesi i mjetit, Kastriot Çuka, 59 vjeç, dhe tre pasagjerë që udhëtonin me të. Të plagosurit u nxorën nga mjeti me ndihmën e forcave të policisë dhe u transportuan drejt Spitalit Rajonal Berat, ku po marrin trajtim mjekësor për plagët e marra.

Burimet policore bëjnë me dije se grupi hetimor po punon për zbardhjen e plotë të rrethanave dhe shkakut të aksidentit. Nga pamjet filmike vihet re se rruga është e shkatërruar, me mungesë ndriçimi dhe kthesa të forta, çka mund të ketë kontribuar në ngjarje.

M