Një aksident me pasojë plagosjen e një personi ka ndodhur në rrugën nacionale Sarandë – Ksamil, në vendin e quajtur Berdenesh.

Një mjet ka dalë nga rruga dhe ka rënë në një kanal jashë rrugës. Si pasojë ka mbetur i plagosur Renato Pali, 14 vjeç, banor i Ksamilit.

Bashkë me 14-vjeçarin në mjetin e aksidentuar ndodhej gjyshi i tij, i cili ishte shoferi, nëna dhe tezja e djalit.

Kur makina doli nga rruga, njëherësh edhe djali ka përfunduar duke u përplasur në trotuar. Goditja ka qenë e fortë dhe i mituri ka çarje të mëdha në kokë.

Adoleshenti ka marrë fraktura në kokë dhe është transortuar me helikopter drejt spitalit të Traumës në Tiranë për mjekim më të specializuar.

Policia po heton shkaqet dhe rrethanat e aksidentit.

Sarandë/Informacion paraprak

Më datë 15.05.2021, në aksin rrugor Sarandë-Ksamil, shtetasi F. N ka humbur kontrollin mbi mjet dhe për pasojë është përplasur me murin mbajtës.

Si pasojë është dëmtuar pasagjeri në këtë mjet, shtetasi i mitur me iniciale R. P, i cili është transportuar në spital për ndihmë mjekësore, jashtë rrezikut për jetën.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.