Një aksident rrugor është regjistruar mbrëmjen e së shtunës, rreth orës 23:50, në rrugën “Studenti” në Sarandë, ku janë përfshirë një motoçikletë dhe një automjet tip “Smart”.

Sipas burimeve zyrtare, i plagosur ka mbetur 22-vjeçari Klauid Hadëri, i cili po drejtonte motorin me targa AZ756. Ai është përplasur me automjetin “Smart” me targa AA455TC, që drejtohej nga 20-vjeçari Orlando Koshi.

Përplasja ka qenë e fortë, duke shkaktuar një goditje në kokë për drejtuesin e motorit. Hadëri është transportuar menjëherë në Urgjencën e Spitalit të Sarandës, ku ka marrë ndihmën e nevojshme mjekësore. Mjekët konfirmuan se ai ndodhet jashtë rrezikut për jetën.

Menjëherë pas ngjarjes, në vendin e aksidentit kanë mbërritur shërbimet e qarkullimit rrugor, të cilat kanë kryer verifikimet e nevojshme, përfshirë edhe testet e alkoolit, ku rezultoi se të dy drejtuesit kishin 0.00 mg/l në gjak.

Grupi hetimor po vijon punën për të zbardhur shkaqet dhe rrethanat e plota të aksidentit.