Një aksident ka ndodhur në lagjen “Skënderbeg” të Shkodrës, kur 24-vjeçari L.K. ka humbur kontrollin e automjetit të tij, duke dale nga rruga. Dy shtetaset, 17 vjeçe, pasagjere në mjet, kanë pësuar dëmtime dhe janë dërguar në spital, por jashtë rrezikut për jetën. Shoferi është shoqëruar në Komisariat për veprimet e mëtejshme. Grupi hetimor është në punë për të sqaruar rrethanat e aksidentit.
“Shkodër/Informacion paraprak
Rreth orës 14:05, në lagjen “Skënderbeg”, shtetasi L. K., 24 vjeç, banues në Shkodër, ka humbur kontrollin mbi drejtimin e automjetit dhe për pasojë automjeti ka dalë nga rruga.
Nga aksidenti janë dëmtuar 2 shtetase 17 vjeçe, pasagjere në këtë automjet, të cilat janë dërguar në spital dhe janë jashtë rrezikut për jetën.
Shtetasi L. K. u shoqërua në Komisariat, për kryerjen e veprimeve procedurale.
Grupi hetimor po punon për sqarimin e rrethanave të aksidentit.”, thuhet në njoftimin paraprak të policisë.
