Një përplasje e fortë mes një Range Rover dhe një Citroeni të bardhë ka ndodhur mbrëmjen e sotme në Sukth, duke shkaktuar dëme të konsiderueshme në një lokal pranë rrugës. Sipas dëshmitarëve, Range Rover-i po lëvizte me shpejtësi të lartë, ndërsa Citroeni i bardhë dyshohet se i ka prerë rrugën në daljen nga një kryqëzim, çka shkaktoi aksidentin.

Si pasojë, tre persona kanë mbetur të plagosur: drejtuesi i Range Rover-it dhe dy pasagjerët e Citroenit. Ata janë transportuar menjëherë në spital, ndërsa gjendja e tyre shëndetësore mbetet ende e paqartë.

Pas aksidentit, Range Rover-i është larguar nga vendngjarja me karrotrec, ndërsa Citroeni u nxorr nga lokali për të shpëtuar të lënduarit. Autoritetet rrugore po hetojnë për shkaqet e sakta të ngjarjes dhe për shkeljet e mundshme të rregullave të qarkullimit.