Një aksident ka ndodhur mëngjesin e sotëm në rrugën e Elbasanit, në Tiranë, ku një makinë tip “Golf” ka humbur kontrollin dhe ka përfunduar mbi trotuar. Fatmirësisht, edhe pse në momentin e aksidentit kishte kalimtarë të shumtë, nuk raportohet për persona të lënduar.

Policia ka mbërritur menjëherë në vendngjarje dhe ka nisur hetimet për të përcaktuar shkaqet e këtij aksidenti. Mbetet e paqartë nëse shoferi ka pësuar probleme me mjetin ose nëse është ndikuar nga ndonjë faktor tjetër.