Një aksident ka ndodhur në bulevardin Ismail Qemali, pranë Teatrit “Petro Marko”, ku një automjet ka përplasur një kalimtar që po lëvizte me biçikletë. Menjëherë në vendngjarje ka mbërritur ambulanca, e cila ka transportuar të plagosurin për ndihmën e parë. Mësohet se ai ndodhet në gjendje të rëndë.

Sipas raportimeve, i plagosuri po kalonte vijat e bardha me biçikletë në momentin kur u aksidentua nga një automjet tip Benz. Drejtuesi i mjetit është shoqëruar në komisariat për t’u marrë në pyetje, ndërsa grupi hetimor ndodhet në vendin e ngjarjes për të zbardhur shkaqet e aksidentit.