Një aksident rrugor u regjistrua paraditen e sotme, rreth orës 09:15, në aksin rrugor Peshkopi-Maqellarë. Në përplasjen mes një automjeti tip “Ford” dhe një “Benz” u lëndua njëri prej drejtuesve të mjeteve. Më konkretisht, drejtuesi i “Fordit”, shtetasi S.S., 47 vjeç, ka pësuar lëndime dhe është transportuar menjëherë në spital, ku aktualisht po merr trajtimin e duhur mjekësor. Sipas burimeve zyrtare, gjendja e tij shëndetësore është jashtë rrezikut për jetën.

Automjeti tjetër i përfshirë në aksident ishte një “Benz”, i drejtuar nga shtetasi R.M., 65 vjeç. Autoritetet policore kanë njoftuar se grupi hetimor ka nisur punën për të sqaruar shkaqet dhe rrethanat e aksidentit, ndërkohë që po hetohet për të përcaktuar përgjegjësitë në këtë ngjarje.