Një aksident fatal dhe 19 të tjerë me të lënduar u raportuan dje në Kosovë, sipas njoftimit të policisë. Gjatë kësaj periudhe janë evidentuar gjithashtu edhe 46 aksidente të tjera që kanë shkaktuar vetëm dëme materiale. Aksidenti me fatalitet ndodhi mesnatën e së enjtes në aksin rrugor Kllokot – Viti, kur një automjet doli jashtë rrugës dhe u rrotullua, duke shkaktuar vdekjen e një pasagjeri.

Në të njëjtën periudhë, policia ka lëshuar 2,224 gjoba për shkelje të ndryshme të rregullave të trafikut, një numër që reflekton shtimin e masave të kontrollit për sigurinë rrugore në vend.