Një aksident me pasojë vdekjen ka ndodhur në aksin rrugor Gjirokastër-Tepelenë. Ngjarja e rëndë ka ndodhur kur një automjet, i drejtuar nga shtetasi E.M., ka përplasur një grua endacake rreth të 60-ave, duke i shkaktuar asaj vdekjen e menjëhershme.

Grupi hetimor ka mbërritur në vendngjarje dhe ka konstatuar se automjeti që përplasi gruan ka qenë duke udhëtuar brenda normave të lejuara të shpejtësisë. Aktualisht, po kryhen hetime të mëtejshme për të zbardhur rrethanat e sakta të ngjarjes dhe për të sqaruar detajet e plota të aksidentit tragjik.