Një aksident tragjik ka ndodhur pasditen e sotme në rrugën “Dimarchou Christou Beka” në Spatë, Greqi, ku një fëmijë 3-vjeçar ka humbur jetën. Sipas raportimeve, automjeti ka përplasur dhe tërhequr zvarrë fëmijën, duke shkaktuar vdekjen e tij të menjëhershme.

Drejtuesi i makinës, pasi ka ndaluar pas aksidentit, ka transportuar të miturin në Qendrën Shëndetësore lokale, ku mjekët konfirmuan se fëmija kishte vdekur.

Autoritetet kanë arrestuar drejtuesin e automjetit dhe kanë nisur hetimet për zbardhjen e rrethanave të aksidentit tragjik. Ky ngjarje ka tronditur komunitetin dhe ka lënë pas dhimbje të thellë për familjen e viktimës.