Një aksident i rëndë ndodhi të martën pasdite në qendër të Londrës, kur një furgon përplasi këmbësorët në “The Strand”, duke shkaktuar panik dhe kaos te qytetarët. Një vajzë rreth 20-vjeçare humbi jetën në vendngjarje, ndërsa dy të tjerë u plagosën dhe u transportuan në spital. Njëri prej të plagosurve është në gjendje kritike, ndërsa tjetri ka lëndime të lehta.

Drejtuesi i furgonit, një 26-vjeçar, u arrestua nën dyshimin se ishte nën ndikimin e drogës. Policia Metropolitane ka konfirmuar se ngjarja nuk ka lidhje me terrorizmin.