Një aksident i rëndë automobilistik i ka marrë jetën një 30-vjeçari shqiptar në orët e para të mëngjesit të sotëm në Selanik.

Ngjarja ka ndodhur në zonën e Tagarades, në Bashkinë Thermi, rreth orës 01:00 pas mesnate. Sipas raportimeve, mjeti i drejtuar nga i riu shqiptar ka dalë nga rruga dhe është përplasur me një pemë, duke i shkaktuar atij vdekjen e menjëhershme.

Në vendngjarje kanë mbërritur forcat policore, ambulanca dhe zjarrfikësja, ku 4 efektivë kanë ndërhyrë për të nxjerrë trupin e viktimës nga automjeti.

Policia ka nisur hetimet për të përcaktuar shkaqet e aksidentit fatal.