Një aksident i rëndë ka ndodhur ditën e djeshme, rreth orës 17:00, në fshatin Mjedë, në aksin Mjedë – Kryebushat, ku dy persona humbën jetën dhe një tjetër mbeti i plagosur rëndë. Shtetasit Ndue Prenga (63 vjeç) dhe Ndrekë Prenga (43 vjeç), xhaxha dhe nip, u përplasën nga një automjet tip “Mercedes Benz”, i drejtuar nga shtetasi G.B., i cili humbi kontrollin e mjetit dhe doli nga rruga.

Si pasojë e përplasjes, Ndue Prenga vdiq në vend, ndërsa Ndrekë Prenga ndërrroi jetë gjatë transportimit në spital. Drejtuesi i automjetit, G.B., u plagos dhe ndodhet në spital për ndihmë mjekësore, i shoqëruar nga policia, e cila do të vijojë me hetimet për të zbardhur shkaqet e aksidentit. Grupi hetimor ka nisur veprimet për sqarimin e plotë të ngjarjes.