Një aksident i rëndë automobilistik ka ndodhur në rrugën e Lumi i Vlorës, pranë fshatit Drashovicë, ku dy persona kanë humbur jetën dhe një tjetër ka mbetur i plagosur rëndë.

Sipas të dhënave paraprake, në aksident janë përfshirë dy automjete: një “Benz” me targë FR4044C, me drejtues shtetasin E. Brahimaj, dhe një mjet tip “Ford” me targë AB309FL, i drejtuar nga A. Alushaj.

Si pasojë e përplasjes së fortë, të dy drejtuesit e mjeteve kanë ndërruar jetë në vendngjarje, ndërsa një pasagjer ka mbetur i plagosur rëndë dhe është transportuar për ndihmë mjekësore.

“Dy automjete janë përplasur me njëra-tjetrën duke pësuar dëme të mëdha,” bëjnë me dije burime nga policia, ndërsa shtojnë se rrethanat e aksidentit janë ende në hetim.

Autoritetet po punojnë për zbardhjen e plotë të ngjarjes, ndërsa priten detaje të tjera në vijim.