Vernio, Itali – Një aksident tragjik në vendin e punës ndodhi paraditen e sotme në komunën Vernio, pranë Pratos. Një punëtor 56-vjeçar me origjinë nga Shqipëria humbi jetën pasi u shtyp nga një kamion ndërtimi në zonën e via del Bisenzio, në fshatin Mercatale.

Sipas raportimeve, viktima po punonte në shkarkimin e materialeve ndërtimore nga një kamion i ndalur në një shpat, kur për shkak të humbjes së tërheqjes në asfalt, kamioni u lëviz papritur dhe e goditi, duke i shkaktuar vdekjen e menjëhershme. Pas aksidentit, mjeti përfundoi në një kanal anës rrugës.

Ngjarja ndodhi rreth orës 11:00 të paradites. Punëtori ishte i punësuar nga një kompani që kryente punime për llogari të Hekurudhave Shtetërore.

Në vendin e ngjarjes mbërritën menjëherë ambulanca e emergjencës 118, zjarrfikësit, karabinierët, policia bashkiake dhe inspektorë të Departamentit të Parandalimit të ASL Centro. Mjekët nuk mundën të bëjnë asgjë për të shpëtuar jetën e tij, duke konfirmuar vdekjen në vend.

Hetimet për zbardhjen e plotë të shkaqeve vazhdojnë.