Dy persona i kanë mbijetuar një aksidenti tragjik ajror në Korenë e Jugut, ku një avion me 181 pasagjerë ra në flakë pas një përplasjeje në Aeroportin Ndërkombëtar Muan, i cili ndodhet në jug të Seulit. Avioni, i cili udhëtonte nga Bangkok i Tajlandës, tentoi të ulej në pistë në orën 09:00, sipas kohës lokale, kur preku pistën, u kaplua nga flakët dhe më pas u përplas për një mur.

Për shkak të këtij aksidenti të rëndë ajror, janë shpallur shtatë ditë zie në Korenë e Jugut. Dy anëtarët e ekuipazhit, një burrë dhe një grua, shpëtuan nga pjesa e bishtit të avionit dhe u transportuan për trajtim në spitale. Zyrtarët e zjarrfikësve thanë se janë mundësuar të shuajnë zjarrin dhe se dy të mbijetuarit janë jashtë rrezikut për jetë.

Autoritetet e aviacionit raportuan se dy pasagjerët e avionit ishin shtetas të Tajlandës, ndërsa pjesa tjetër besohet të jetë nga Koreja e Jugut. Ky është aksidenti më i rëndë ajror që përfshin një kompani ajrore jugkoreane në tri dekadat e fundit.

Hetuesit po shqyrtojnë mundësinë që goditjet nga zogjtë ose kushtet atmosferike mund të kenë kontribuar në rrëzimin e avionit, duke shkaktuar ndalimin e pajisjeve për uljen e avionit.