Një shtetase e paidentifikuar është gjetur e lënduar në aksin rrugor Fier-Lushnjë dhe ka ndërruar jetë në spital pas plagëve të marra. Ajo dyshohet se është aksidentuar nga një automjet që ka ikur nga vendngjarja.

Ngjarja ndodhi rreth orës 17:20, kur shërbimet e policisë konstatuan trupin e gruas anës rrugës. Ajo u transportua menjëherë në spitalin rajonal të Fierit, por humbi jetën për shkak të dëmtimeve të rënda.

Grupi hetimor është duke punuar për identifikimin e shtetases dhe për zbardhjen e rrethanave të aksidentit, si dhe për gjetjen e automjetit që shkaktoi përplasjen fatale.