Një ngjarje e trishtueshme ka ndodhur sot në lagjen nr. 13 të Durrësit, kur një vajzë 3-vjeçare ka rënë aksidentalisht nga ballkoni i apartamentit në kat të shtatë. Ngjarja ka ndodhur rreth orës 20:07, ndërsa e mitura ishte bashkë me prindërit e saj.
Ajo është transportuar në spitalin rajonal të Durrësit, ku po merr ndihmë mjekësore, ndërsa gjendja e saj shëndetësore është e rëndë. Uniformat blu po hetojnë rrethanat e kësaj ngjarje tragjike.
Njoftimi i policisë
Durrës/Informacion paraprak
Rreth orës 20:07, në lagjen nr. 13, dyshohet se aksidentalisht ka rënë nga ballkoni i apartamentit në kat të shtatë, ku ishte së bashku me prindërit e saj, një 3-vjeçare.
Si pasojë e dëmtimeve të marra, e mitura po merr ndihmë mjekësore në spitalin rajonal të Durrësit dhe është në gjendje të rëndë shëndetësore.
Grupi hetimor po punon për sqarimin dhe dokumentimin me prova ligjore të rrethanave të ngjarjes.
