Aksident tragjik të ndodhur në tunelin e Kalimashit pasditen e djeshme. Në aksident u përfshinë 2 makina me 1 autobot. Si pasojë humbën jetën 2 shtetas, ndërsa 3 të tjerë u lënduan dhe u dërguan në spital për ndihmën mjekësore.

Policia ka arritur të identifikojë 2 viktimat e aksidentit.

Shtetasit S.O., 58 vjeç dhe N.O., 45 vjeç të dy banues në Kosovë mbetën të vdekur nga përplasja. Ata ishin pasagjerë në automjetin tip “Ford”, i cili drejtohej nga shtetasi I.L., edhe ky banues në Kosovë.

Njoftimi i Policisë:

Kukës/Informacion shtesë

Në lidhje me aksidentin e ndodhur në tunelin e Kalimashit, ku u përfshinë në një aksident rrugor automjetet tip “Benz” me drejtues shtetasin A. B., banues në Tropojë, automjeti tip “Ford”, me drejtues shtetasin I.L., banues në Kosovë, dhe autoboti me drejtues shtetasin Sh. S., banues në Kosovë, ju informojmë se shtetasit që kanë humbur jetën janë S. O., 58 vjeç, dhe N. O., 45 vjeç, banues në Kosovë, pasagjerë në automjetin tip “Ford”.

Grupi hetimor nën drejtimin e Prokurorisë po punon për përcaktimin e shkaqeve të aksidentit dhe dokumentin ligjor të kësaj ngjarjeje.