Kryetari i Partisë Demokratike, Sali Berisha, ka reaguar për aksionin e policisë në Kombinat, ku qytetarëve iu është dhënë urdhër të lënë hyrjet me pretendimin se pallati do të shembet për shkak të dëmtimeve të pësuara nga tërmeti i 3 viteve më parë.
Berisha në konferencë me gazetarët theksoi se një qytetar ndërroi jetë për shkak të stresit dhe ky akt shtoi ai tregon fytyrën e vërtetë të pushtetit.
“Një qytetar ndërroi jetë pasi po e lënë pa shtëpi Një qytetar ndërroi jetë nga stresi, nga sindromi i zemrës së plasur.Sepse po e nxjerrin me forcë nga shtëpia. Cila është historia? Pas tërmetit, ekspertët u kanë dhanë banorëve të këtij pallati, klasifikimin se pallati i tyre nuk ka dëmtime të rëndësishme.

Kam një titull të vitit 2019, që se si luhet me jetët e 90 familjeve nga Qefaliaj. Ky i fundit ka ndërtuar aty dhe u ka prishur themelet. Në mënyrë barbare u presin dritat dhe ujin.

Mbrëmë ai ndërroi jetë nga sindromi i plasjes së zemrës një qytetar që e shihte veten në humnerë totale, që e nxirrnin me forcë. Këto ndodhin se si në asnjë vend të botës, në Shqipëri konfiskon kryeministri. Nuk konfiskon gjykata. Këto janë zhvillimet e një revanshi që po nuk e ndalëm, do të përmbysë edhe më keq shoqërinë dhe shtetin shqiptar.”, tha ai.