Nënkryetari i Partisë Demokratike, Kreshnik Çollaku, ka shprehur zhgënjim pas dekretimit nga Presidenti i Republikës së Shqipërisë, Bajram Begaj, i ndryshimeve të reja ligjore në lidhje me funksionimin e Komisioneve Hetimore Parlamentare. Në një postim në rrjetet sociale, Çollaku e vlerëson këtë akt si një shkelje të roli të paanshëm të institucionit të Kryetarit të Shtetit.

Çollaku shprehet se ngritja e Komisioneve Hetimore është e drejtë kushtetuese e opozitës dhe se ky veprim i Presidentit është një pengesë e vullnetshme ndaj aktivitetit të opozitës. Ai thekson se kjo veprimtari pengon hetimin dhe debatin parlamentar, duke lënë opozitën pa hapësirën e vetme politike për të kryer detyrën e saj kushtetuese. Reagimi i Çollakut përshkruan aktin si “zhgënjyes”.

Postimi i plotë i Çollakut:

Dekretimi nga Presidenti i ndryshimeve ligjore te njëanshme për Komisionet Hetimore Parlamentare, është një akt zhgënjyes për rolin e paanshëm dhe mbi palët i institucionit të Kreut te Shtetit.

Komisionet Hetimore Parlamentare janë një e drejte Kushtetuese e opozitës, e çdo lloj opozite dhe kreu i Shtetit duke pranuar vështirësimin ose pamundësimin e ngritjes se tyre ,ne mënyre te vullnetshme pengon aktivitetin e Opozitës duke i hequr apo vështirësuar te vetmen hapësirë politike qe Opozita ka, hetimin dhe debatin parlamentar. Zhgenjyese.