FLORIDA – Industrinë e filmave për të rritur e ka goditur një lajm i rëndë: aktorja e njohur me emrin artistik John Dough, emri i vërtetë Lina Bina, ka ndërruar jetë në moshën vetëm 24-vjeçare.

Lajmi u konfirmua të martën e kaluar, por shkaku i vdekjes mbetet ende i panjohur, pasi as autoritetet dhe as familja nuk kanë bërë publik asnjë detaj.

Pak ditë para vdekjes, Lina kishte postuar në platformën X (ish-Twitter) një mesazh që sot tingëllon edhe më i rëndë:

“Më vjen keq që u zhduka, po kaloj shumë gjëra të këqija.”

Me mbi 200,000 ndjekës në Instagram dhe TikTok, si dhe një llogari aktive në OnlyFans, Lina ishte mjaft e ndjekur në rrjetet sociale. Vdekja e saj ka shkaktuar dhimbje të madhe te fansat dhe miqtë online.

Kushëriri i saj, Miguel Santiago, reagoi në TikTok:

“Është tragjike, është e pabesueshme – qëndroni pranë familjes suaj. Nuk e dini kurrë kur do të jetë hera e fundit që flisni me ta.”

Komentet e ndjekësve kanë qenë të mbushura me trishtim:

“Zemra ime thyhet, ajo ishte kaq e re dhe kaq e bukur. E ëmbël dhe e dashur, do të doja ta dinte këtë.”
“E gjithë familja është e shkatërruar. Shpresoj që nëna e saj të gjejë forcën ta përballojë këtë.”
“Mos harroni të lidheni me njerëzit tuaj. Jeta është e shkurtër.”

Autoritetet po vazhdojnë hetimet për të zbuluar rrethanat e vdekjes.