Kryetari i Bashkisë së Tiranës, Erion Veliaj ka fituar gjyqin për shpifje ndaj deputetes së PD-së, Jorida Tabaku.
Gjykata e Apelit ka rrëzuar pretendimet e Tabakut, duke lënë në fuqi vendimin e Gjykatës së Posaçme, sipas së cilës, Veliaj nuk ka shpifur ndaj saj.
Bëhet fjalë për një deklaratë të kryebashkiakut të Tiranës i cili kishte thënë në media se sulmi që i bënte PD-ja projektit për ndërtimin e shkollës “Sami Frashëri” ishte i orkestruar me qëllim vendosjen e një gjobe ndaj kompanisë që po e ndërtonte atë.
Kjo nuk është humbja e vetme e Jorida Tabakut përballë Erion Veliajt. Në zgjedhjet e 25 prillit Tabaku e sfidoi Veliajn me pretendimin se do ta mundte në Tirane. Por, rezultati përfundoi me fitoren e thellë të socialistëve të drejtuar nga Veliaj në Qarkun e Tiranës.
