Një mbrëmje e artë për Al Nassr në Al-Awwal Park, ku skuadra e udhëhequr nga Jorge Jesus regjistroi një fitore të thellë 5-1 ndaj Al Riyadh, duke marrë kreun e renditjes në Ligën Saudite.

Mbrojtja e dobët e miqve u shfrytëzua maksimalisht nga yjet e vendasve, ndërsa vetëm pritjet e portierit Milan Borjan shmangën një rezultat edhe më të thellë.

Heroi i zakonshëm ishte Cristiano Ronaldo, i cili shënoi dy herë dhe e çoi totalin personal në 946 gola, duke u afruar gjithnjë e më shumë objektivit monumental prej 1.000 golash në karrierë. Në të njëjtin nivel shkëlqeu edhe bashkëkombësi i tij, Joao Félix, autor i dy golave dhe një asistimi, duke konfirmuar formën e tij të jashtëzakonshme pas transferimit në Arabinë Saudite.

Seria e golave nisi që në minutën e 5-të me Félix-in, ndërsa në pjesën e parë rezultati shkoi deri në 3-0, me një tjetër gol të anulua për faull në mesfushë. Al Riyadh reagoi disi në pjesën e dytë, duke gjetur golin e nderit me Syllas, pas një aksioni të bukur të Okou. Por gëzimi zgjati pak, pasi Al Nassr riktheu kontrollin dhe e mbylli ndeshjen me pesë gola gjithsej.

Me këtë fitore, Al Nassr barazon me pikë Al Ittihad (9), por falë golavarazhit të lartë merr kryesimin e kampionatit.