Një fenomen i pazakontë ka alarmuar banorët e Buenos Aires, në zonën e Sarandit, ku një lumë ka marrë një ngjyrë të thellë të kuqe, duke shkaktuar shqetësim për ndotjen mjedisore. Dyshohet se shkak për këtë situatë ka qenë një rrjedhje boje nga një fabrikë aty pranë, çka ka ngritur pyetje mbi ndikimin e ndotjes industriale në zonë.

Banorët kanë raportuar një erë të rëndë që vinte nga lumi dhe kanë vënë re ndryshime të dukshme në ngjyrën e ujit, duke përfshirë ngjyra të tjera si blu, e gjelbër, rozë dhe vjollcë, si dhe një njollë yndyre mbi sipërfaqe që duket si vaj.

Pavarësisht ankesave të shumta nga qytetarët, autoritetet lokale ende nuk kanë dhënë një shpjegim të plotë për këtë ndodhi. Departamenti rajonal i mjedisit ka nisur hetimet dhe ka dërguar një laborator për të analizuar ujin dhe për të përcaktuar substancën që ka shkaktuar ndryshimin e ngjyrës. Deri tani, ngjyra e ujërave ka filluar të zbehet, por hetimet po vazhdojnë.