Një 33-vjeçar nga Tirana, Avelino Alikollari, ka humbur kontaktet me familjen e tij që prej orëve të para të mëngjesit të djeshëm, duke ngritur shqetësim të madh mes të afërmve.

Sipas familjarëve, Avelino ka folur për herë të fundit me babain rreth orës 04:00, duke i thënë se do të kthehej pas pak, por që nga ai moment nuk është bërë më i gjallë. Ai është parë për herë të fundit përballë shkollës “Bajram Curri” në Tiranë, dhe që atëherë nuk ka asnjë informacion për vendndodhjen e tij.

Familjarët e tij kanë bërë kallëzim në polici, por u është thënë se duhet të kalojnë 24 orë për ta shpallur person të humbur. Të shqetësuar për fatin e tij, ata i bëjnë thirrje kujtdo që mund të ketë informacion për vendndodhjen e Avelinos, të kontaktojë menjëherë me familjen.

Nëse keni parë ose dini diçka, ju lutemi të kontaktoni familjen në numrin e telefonit të dhënë nga të afërmit e tij.