Pas daljes së rezultateve paraprake, ku Lëvizja Vetëvendosje rezulton forcë e parë, kryeministri Albin Kurti dhe mbështetësit e tij kanë nisur festën në sheshin e Prishtinës.

Gjatë fjalës së tij, Kurti e quajti këtë një ditë historike, duke thënë se zgjedhjet treguan një mesazh të qartë:
“Populli i Kosovës e ka mundur edhe Serbinë”, u shpreh ai.

Megjithëse rezultatet paraprake tregojnë se Vetëvendosje ka rreth 10% më pak vota krahasuar me zgjedhjet e vitit 2021, Kurti e përdori fjalimin për të sulmuar opozitën.

“Kanë bë marrëveshje me dreqin… Çfarë hajvanash… Çfarë hajvanash! Ka kaluar koha e hajvanatit – e kanë marrë vesh sonte”, deklaroi ai, duke kritikuar ashpër rivalët politikë.

Ndërkohë, procesi i numërimit të votave vijon, ndërsa KQZ pritet të dalë me një përditësim të ri për rezultatin final.