Albin Kurti merr sot për herë të dytë postin e kryeministrit të Kosovës ,duke u bërë për herë të dytë kryeministër në harkun kohor të një viti.

Pas zgjedhjeve parlamentare në Kuvendin e Kosovës me 77 vota pro, 30 kundër dhe asnjë abstenim është formuar qeveria e re.

Përmes një postimi në rrjetin e tij social Twitter Kurti shkruan :

“Të përulur përpara detyrave, ne shënojmë fillimin e një kapitulli të ri për njerëzit në Kosovë. Le të mos pajtohemi dhe le të debatojmë ashpër për të drejtën dhe drejtësinë, por nuk do të dështojmë kurrë të bashkohemi në të mirën e vendit tonë. Puna fillon tani.”

Ditën e sotme, është zhvilluar ceremonia, ku ish-kryeministri i Kosovës, Avdullah Hoti i ka dorëzuar detyrën kryeministrit të ri të vendit, Albin Kurti. Ceremonia e pranim-dorëzimit është bërë në Kuvendin e Kosovës.