Aleko Myrtollari, i cili plagosi me thikë bashkëshorten e tij Manjola Myrtollari është vetëdorëzuar në polici mbrëmjen e sotme.

Ngjarja e rëndë ndodhi dy ditë më parë në banesën e çiftit, pas një konflikti mes të dyve.

Gruaja Marjola Myrtollari ka marrë plagë të rënda ndërsa sot është sjell në Tiranë për shkak të gjendjes së rëndë shëndetësore.

Burime bëjnë me dije se motiv i kësaj ngjarje dyshohet të jetë xhelozia. Marjola ka marrë disa plagë në pjesë të ndryshme të trupit, ndërsa ka qenë vajza 16 vjeçare e çiftit që ka lajmëruar policinë. Mësohet se plagosja nuk ka ndodhur në sy të fëmijëve por e ka gjetur vajza nënën të plagosur.

Sipas të dhënave, çifti i bashkëshortëve jetonin me qera, kishin konflikte për motive xhelozie, ka qenë bashkëshorti që dyshonte te gruaja e tij për tradhëti.

Aleko Myrtollari ka qëndruar i fshehur në disa banesa të të afërmve të tij në fshatrat Porodinë dhe Pojan të Korçës, aty ku ka pasur te afërm. Ai është fshehur në banesat e tyre deri në mbrëmjen e djeshme kur u dorëzua në polici.

Policia ka arritur të lokalizojë vendndodhjen e tij pas kontrollit të banesave të familjarëve të 46-vjeçarit. Kanë qenë te afërmit e autorit të krimit ata që e kanë bindur Myrtollarin të dorëzohet në polici.